සිහිනෙන් හෝ 🎀💖

 

ඔබේ පපුවේ හදගැස්ම

මා විදින මේ මොහොත,

මා හැර දමා යන්නේ නැත

ඔබේ හදවතේ ස්පන්දනය

ගෙන එන්නා වූ සැනසීම.

ඒ සැනසීම,

ලොව අන්  කිසිදු ප්‍රේමයක නොමැත.

ඔබේ පපුවට හිස තබාගෙන,

මැවූ තරු රටාවන්වල අපූර්වත්වය,

සුන්වූවා හිරු නැඟුණු සැනින්.

එය සිහිනයක් පමණක් විය.

නැවතත් මා බලා හිදිනුයේ

හෙට සඳ පායා රාත්‍රිය උදා වන තුරුය.

මන්ද ඒ

සිහිනෙන් හෝ ඔබේ පපුවට  කැටි වී, 

අනේකවිද තාරුකා රටා මවමින්

ඔබ සමග රැදෙන්නට.

මගේ ආදරණීය මෑණියනි !

මා පිය රජුනි ⚡

 

උදලු කෙටියෙන් බිම් පෙරළා,

කුසගින්නේ වෙලී මිරිකී,

නිවූ හැටි අප කුස ගිනි

මතකයි රජුනි පෙර දා

දිගු ගමනක් යාමට මා ඉදිරියේ බලා සිටින

දෙපා හරිහැටි වාරු නැති,

ඔබ බියෙන් බලා සිටියි.

එනමුදු ඔබ බලා සිටින්නේ 

ඔබේ ශක්තිය මා නිසාවෙනි.

මා පැමිණෙනවා පින් කද

බලා සිටිනු මැනවි!

ශක්තිමත් පවුරක් ලෙස,

නොසැලී ඔබ සමග ඔබ කැටුව

ඒ දිගු ගමන යාමට.

පියාණනි මා පියාණනි

සතුටු කදුලින් බල සිටිනු මැන

මා පිය රජුනි,